Ský í flösku

Skýin á himni eru gerð úr örsmáum dropum, en hvað þarf til að mynda þau. Martin og sonur hans skoða það í þessari einföldu tilraun.

Efni og áhöld

Í þessa tilraun þarf:

  • Plastflösku með tappa, eða eitthvað álíka ílát sem hægt er að kreista.
  • Heitt vatn (t.d. úr krana).
  • Eldspýtur, eða kerti og eldfæri.

Framkvæmd

Fyrir samanburðinn án sótagnanna:

  1. Helltu botnfylli af heita vatninu í flöskuna.
  2. Skrúfaðu tappann á.
  3. Kreistu flöskuna og slepptu snögglega.

Til að fá skýið/þokuna með kerti:

  1. Kveiktu á kerti.
  2. Helltu botnfylli af heita vatninu í flöskuna.
  3. Blástu á kertið, sjúgðu smá reyk upp í flöskuna, og skrúfaðu tappann á.
  4. Kreistu flöskuna og slepptu snögglega.

Til að fá skýið/þokuna með eldspýtu.

  1. Helltu botnfylli af heita vatninu í flöskuna.
  2. Kveiktu á eldspýtu og leyfðu að loganum að stækka.
  3. Blástu á eldspýtuna, sjúgðu smá reyk upp í flöskuna, og skrúfaðu tappann á.
  4. Kreistu flöskuna og slepptu snögglega.