SciSkills 2.0

SciSkills 2.0 er NordPlus-verkefni þar sem þátttökustofnanirnar deila reynslu af forritunarsmiðjum og þróa vinnusmiðjur tengdar símenntun kennara á sviði forritunar. Þátttökustofnanirnar eru AHHAA, Teknikens Hus og Vísindasmiðjan. Verkefnið skiptist í þrjá þætti:

Sameiginlegan fund á Íslandi í september 2017
Kennarasmiðjur sem áttu að eiga sér stað milli október 2017 og febrúar 2018.
Samantektarfund í mars 2018.

Reynsla af forritunarsmiðjum

Teknikens Hus hefur meðal annars verið að vinna með hliðræna forritun, þar sem fólk, frekar en tölvur, er „forritað“, BlueBot þjarka fyrir yngri gesti og Micro:bit forritun. AHHAA hefur meðal annars fengist við eldspýtnastokkamyllu og Arduino Digispark.

Unnið með forritun og rafbúnað í SciSkills 2.0 verkefninu.

Vísindasmiðjan hefur unnið með Lego Mindstorms, Code.org verkefni og Scratch. Fyrir þetta verkefni var ákveðið að leggja áherslu á Scratch og forritun á stýringum fyrir áþreifanlega hluti. Sett voru upp eftirfarandi verkefni:

Lausnir á þessum verkefnum er að finna í þessu Scratch stúdíói.

Afurðir samstarfsins

Meginafurð samstarfsverkefnisins var SciSkills 2.0 kennarasmiðjan og kennsluefni í forritun sem notað er í námskeiðum Háskólalestarinnar og Háskóla unga fólksins. Einnig var sett saman hugmyndakver með verkefnahugmyndum úr námskeiðum SciSkills 2.0 verkefnisins.