Árið 2015 var viðburðarríkt hjá Vísindasmiðjunni. Aðstaðan okkar stækkaði, opnum dögum fjölgaði og nýtt starfsfólk bættist í hópinn.
Tæplega 3000 grunnskólanemendur komu til okkar í skipulagðar heimsóknir á árinu. Þeir fengu meðal annars að kynnast eðlisfræði, stjörnufræði, jarðfræði, vísindaheimspeki, Vísindavefnum, vindmyllum og vindorku. Þá fengum við einnig fjölmarga góða gesti til okkar á þeim dögum sem var opið fyrir almenning.
Við óskum gestum Vísindasmiðjunnar og landsmönnum öllum gleðilegrar hátíðar og þökkum samveruna á liðnu ári.
Sjáumst árið 2016!