Um Vísindasmiðju Háskóla Íslands

Um Vísindasmiðjuna

Háskóli Íslands leggur áherslu á að glæða áhuga ungs fólks á vísindum og fræðum og hefur staðið fyrir margs konar verkefnum í þeim tilgangi. Vísindasmiðjan leikur þar lykilhlutverk en sem dæmi um önnur verkefni sem miða að sama marki má nefna Háskóla unga fólksins, Vísindavefinn og Háskólalestina.

Vísindasmiðja Háskóla Íslands var opnuð vorið 2012 í Háskólabíói og hefur verið nánast fullbókað frá fyrsta degi.

Vísindasmiðjan leggur áherslu á að:

  • efla áhuga ungmenna á vísindum með gagnvirkum og lifandi hætti
  • styðja við kennslu á sviði náttúru- og raunvísinda
  • miðla vísindalegri þekkingu til samfélagsins

Vísindasmiðjan er að hluta grundvölluð á veglegri gjöf frá Orkuveitu Reykjavíkur, sem afhenti Háskóla Íslands allan þann búnað og tæki sem áður tilheyrðu Rafheimum í Elliðaárdal og notaður var til fræðslu skólabarna. Háskólinn tók við gjöf Orkuveitunnar með fyrirheit um að búnaður og tæki yrði notað áfram til fræðslu ungmenna og yrðu hvati að fjölbreyttum og lifandi kennsluaðferðum.

Hvað er í boði?

Í Vísindasmiðjunni eru margskonar gagnvirk tæki og tól, tilraunir, þrautir, leikir og óvæntar uppgötvanir fyrir alla aldurshópa. Þar kynnast gestir á öllum aldri undraverðum eiginleikum ljóss, lita, hljóðs og rafmagns, teikna listaverk með rólu, leika á syngjandi skál, smíða vindmyllu, skoða tungl, stjörnur og loftsteina og ótalmargt fleira.

  • Viltu læra að snúast eins og skautadrottning?
  • Ertu með kalt nef og heitar hendur? Hitamyndavélin varpar óvæntu ljósi á þinn innri mann. Hitamyndavélin sýnir einmitt þínar svölustu hliðar.
  • Mótaðu fjöll, höf og eyjar í landslagssandinum.
  • Beislaðu vindorkuna með fögrum vindmylluvængjum.
  • Kynntu þér leyndardóma myrkraherbergisins.
  • Botnlaus brunnur, syngjandi skál, ljóslifandi litir, furðuspeglar, huldugrísir, mannlegur hátalari og logandi flauta.

Nánari upplýsingar er að finna á http://visindasmidjan.hi.is/stodvar

Staðsetning

Vísindasmiðjan er staðsett í norðurenda Háskólabíós við innganginn sem snýr að Hagatorgi. Í Vísindasmiðjunni er góð aðstaða fyrir skólahópa; rúmgott svæði fyrir yfirhafnir og töskur, notalegt athvarf til að borða nesti og gott aðgengi. Margir strætisvagnar nema staðar á háskólasvæðinu; við Hringbraut, Suðurgötu, Hagatorg og víðar.

Háskólabíó
Hagatorg
107 Reykjavík
Hér erum við!

Heimsóknir

Fyrir skóla

Vísindasmiðjan hefur tekið á móti hópum af öllum stigum frá leikskólum upp í framhaldsskóla en heimsóknirnar nýstast best nemendum í 6. til 10. bekk grunnskóla. Enginn aðgangseyrir er í Vísindasmiðjuna og er þjónustan skólum landsins að kosnaðarlausu.

Opið er fjóra daga vikunnar: þriðjudaga, miðvikudaga, fimmtudaga og föstudaga. Skráning heimsókna fer fram hér á síðunni. Hámarksstærð hópa er 30 einstaklingar og varir heimsóknin um 90 mínútur.

Við komu er hópnum skipt í tvennt. Annar helmingurinn fær þá kynningu á ákveðnu efni (t.d. vísindaheimspeki, jarðfræði eða stjörnufræði) á meðan hinum eru kynnt nokkrar uppstillingar sem í Vísindasmiðjunni leynast. Eftir 30 mínútur skipta hóparnir um stað og svo fá þeir saman frjálsan tíma síðustu 30 mínúturnar.

Fyrir kennara

Vísindasmiðjan býður upp á öflugt endurmenntunar- og fræðslustarf fyrir kennara á sviði náttúru- og raunvísinda, einnig í tækni og forritun. Lögð er áhersla á að læra með því að framkvæma og fjölbreytta skapandi kennsluhætti. Vísindasmiðjan heldur nokkrar vinnusmiðjur fyrir kennara á vorin.

Nánari upplýsingar um kennarasmiðjurnar má finna hér: http://visindasmidjan.hi.is/kennarasmidjur

Fyrir alla

Vísindasmiðjan er opin fyrir gesti og gangandi á öllum aldri í tengslum við sérstaka viðburði svo sem Háskóladaginn, Barnamenningarhátíð og First Lego League keppnina.

Farandsmiðjan

Vísindasmiðjan leggur gjarnan land undir fót og ferðast víða í samstarfi við aðrar mennta- og menningarstofnanir. Einnig stillum við upp ýmsum tækjum og tólum

Starfsfólk

Ari Ólafsson

Ari Ólafsson
Forstöðumaður og leiðbeinandi
Martin Swift

Martin Swift
Leiðbeinandi og verkefnisstjóri
Guðrún Bachmann

Guðrún J. Bachmann
Framkvæmdastjóri
Ragna Skinner

Ragna Skinner
Verkefnisstjóri
Margrét Gunnarsdóttir

Margrét Gunnarsdóttir
Umsjónarmaður og tengiliður
Áshildur Jónsdóttir

Áshildur Jónsdóttir
Leiðbeinandi
Bergrós Fríða Jónasdóttir

Bergrós Fríða Jónasdóttir
Leiðbeinandi
Emil Agnar Sumarliðason

Emil Agnar Sumarliðason
Leiðbeinandi
Guðrún Hulda Ólafsdóttir

Guðrún Hulda Ólafsdóttir
Leiðbeinandi
Guðrún Höskuldsdóttir

Guðrún Höskuldsdóttir
Leiðbeinandi
Katrín Agla Tómasdóttir

Katrín Agla Tómasdóttir
Leiðbeinandi
Katrín Lilja Sigurðardóttir

Katrín Lilja Sigurðardóttir
Leiðbeinandi
Kristbjörg Anna Þórarinsdóttir

Kristbjörg Anna Þórarinsdóttir
Leiðbeinandi
Sara Högnadóttir

Sara Högnadóttir
Leiðbeinandi
Sævar Helgi Bragason

Sævar Helgi Bragason
Leiðbeinandi
Þorsteinn Elí Gíslason

Þorsteinn Elí Gíslason
Leiðbeinandi